كي تبدا عندك افكار جميلة و حاولت مرات عدة انك تشوفها على ارض الواقع و ما نجحتش ..لوم على روحك صحيح ..اندب وجهك مثلا ...ضع سما بندقيا في قفاك ...دخن كثيرا من الزطلة....و لكن قبل ان تستقر رصاصات الاحباط في رأسك تذكر جيدا....تذكر انك حاولت في بلد اسمو تونس يتجول فيه الفشل في الشارع بقميص و شلاكة و يلقي التحية على الناس ... تذكر مثلا انك تعيش مع مجتمع تقولو "نخمم غدوة نقوم الصباح نشري خبز " يقلك "سيب عليك ...صعيبة عاللخر لحكاية ما ننصحكش" ...تذكر مثلا انو في تونس فمة شركات محترمة و كبيرة لتوة كي يدخلك تعمل entretien يسألك على équation و الا ratio عبارة انت لوجيسيال ....تذكر زادة ثمة مهنة في تونس اسمها كومينيتي ماناجر يخلصو قد مهندس معماري 3 مرات ....تذكر يا حبيبي ان عساس السبيطار اقوى من قائد عسكري على حدودنا الجمهورية ...و ان الفاسدين يقاومون الفساد و المارقين يسعون لاقامة النظام و المهربين فازوا بلقب البرجوازيين ..
انت حاولت و في بلد مثل تونس ...برة اكتبها في cv و سافر و قدم على عمل في المانيا و عندما يسألونك لماذا وضعت هذه الجملة " اشرح لهم condition...سوف يجعلونك تخوض غمار الانتخابات القادمة