داعش و ذبابة التسي تسي

ذبابة تسي تسي اللي ظهرت في افريقيا .. ذبابة قاتلة .. ما نفع فيها شيء وحتى دواء ما نجم يقضي عليها ... الوحيدين اللي لقاولها الحل هم علماء المان . الحل هو انهم عملو للذبابة هذي كلوناج  وغيرو وصنعو منها الاف مع التغييرات الجينية التالية : - اللي صنعوهم كلهم ذكور ما فيهمش ذبابة انثى
- الذكور اللي صنعوهم يمتازو بنهمهم الجنسي وبقوتهم وشراستهم الغريبة ....
-الذباب الصناعي عقيم .. ما يولدش نقولو احنا ...
- الذكور الغير طبيعيين وضعوهم في اكياس وهزوهم لافريقيا البنين و برولكينافاسو و غيرو و سيبوهم في الجو ... طبعا كالذباب الصناعي اول حاجة عملها هي انو قتل الذباب الذكر الطبيعي ( صراع ذكوري من اجل الانثى ) وقضى عليه الكل وبما انو ما " يضناش " مات الذباب الكل وما خلفش وانتهى المرض القاتل .. يعني امريكا شافت اللي العرب هاذم عباد مرضى وعباد ما نفع فيهم شيء لا قنابل ولا قصف .. ياخي صنعت منهم فيهم مع تغيير في الأدي أن صنعت دواعش ..نفس الإنتماء نفس الفصيلة و نفس لون الشعر و العينين مع إختلاف في العقل ..و بعد هوما الي باش يقضيو علينا وحدهم

الحمد الله

تونس و أمريكا

نتفكر في ضربة 11 سبتمبر ..(بغض النظر هي مفتعلة و إلا صحيحة ) وقف جورج بوش على ركام  الوولد ترايد  سنتر  و قال كلمتو الشهيرة "أنا أسمعكم ، بقية العالم يسمعكم و هؤلاء الذين دمروا هذه الأبنية سيسمعوننا قريبا ، سيعرفون أن دم مواطينا ليس رخيصا كما يتصورون و سيدفعون الثمن غاليا " ..بعد بشهر هبط 100 ألف جندي أمريكي لأفغانستان دمر 70% من البناء الهيكي لأقوى زوز تنظيمات في العالم طالبان و القاعدة وعمل رئيس جديد و أحزاب جديدة و ريقل الأمور و دار للعراق بحكم إنها تنجم تكون خطير ..تجندت كل وسائل الإعلام ألأمريكي ن فوكس نيوز و إنت ماشي ..تخربت الدنيا كل دقيقة خبر غالط على صدام ...صدان يتوعد الأمريكيين بالقلي ...صدام يمتلك أسلحة لقصف المحطة الفضائية NASA ...حصيلو الأمريكان مساكن هرسلوهم ...وقتها كان عندو دونالد رامسفلد وزير دفاع ربي ما يعرفوش ..و كولن باول الي كان يأمر الرؤساء العرب موش يتباحث معاهم ..و في الأخر كملولهم بغناية إسمها  11 سبتمبر  ...كي تسمعها تنقم على المسلمين و تبكي على الأمريكان من بين ما فيها "إذا كنت نسيت ذل اليوم الحزين ..فأنا لم أنسى " ... ورغم هاك الكم متاع المضاهرات في العالم لكل ..و ضربت العراق و إنتقمت لمواطنيها ...

أحنا ماتو 39 سائح فوق أراضينا ...شعبنا العظيم يحكي ...ماتوا في بلاد السواحلية لأنو السواحلية موش رجال .. السواحلية يمشيو ورا الإرهابي و خايفين منو ...هذا لكل تقال في خضم عملية إرهابية من أعمق و أقسى العمليات في العالم ...أقدم إعتذارتي لأول إنسان جاء لتونس و حط فيها أمل إنو تنجم تكون دولة و ينجم يكون شعب ...ها الفئة هاذي أنا متأكد أجداد أجداهم هوما الي تقابلوا في مجلس شيوخ قرطاج و قرروا إنهم يخونوا حنبعل ...

المرزوقي و قافلة الحرية

في ما يخص المرزوقي ...جمال عبد الناصر العظيم ..الله يرحمو و يحسن إليه ..مرة متعدي بكرهبة بدون حراسة يعمل في طلة على أحوال المواطنين ...عاد شاف مدينة ملاهي كبيرة .. و جديدة و ماكانش يعرفها ...سأل مدير مكتبو سامي شرف قالوا "بتاعت مين يا سامي مدينة الملاهي " جاوبوا "بتاعت واحد من رجال الأعمال السعوديين إستثمر فيها أموال رهيبة" قالوا "يا سامي أنا اعرف إنو بلدنا فيه بيروقراطية تكسف الزاي بالسرعة دي قدر يحصل على كل التراخيص " حشم سامي شرف و قالوا "سيدي الرئيس خال سعادتكم هو إلي إدخلوا عند السلط المعنية و سهلوا الحصول على التراخيص " تكلم جمال عبد الناصر للchauffeur قالوا "بينا عالإسم يابني "

مشا شكا بخالوا في المركز ..كمواطن عادي و قدم الإثباتات ...و تحاكم خالوا و شد الحبس لمدة ستة أشهر ..هكذا فقط أح الناس عبد الناصر و لو وصل عمرو 100 سنة لبقات الناس تنتخب فيه

إلي نحب نقولوا غنو المرزوقي حكم تونس و شهد فيها فساد و لم يحرك ساكنا و هذا الي يخلي إعادة إنتخابو حاجة مستحيلة خاصة بعد تحريكة لقواعد السلفيين في الإنتخابات

في ما يخص وضعيتو توة ... بعد حادثة سفينة مرمرة التركية و مقتل 10 أتراك فيها من قبل الجيش الإسرائيلي وصلت عملت مشكلة دبلوماسية كبيرة بين تركيا و إسرائيل ...إسرائيل مستحيل تغامر و تصيب أحدا بالأذى ....ثم ما فائدة سفن الحرية لوغة بيدونة ...ريق قورة ...تحررت غزة يعني

يا مرزوقي ماكش متاع قيادة دولة ...إقتنع عادي راهو ..حدك حد الإتجاه المعاكس كاهو ...و لا تلوموا الحكومة التونسية فما دخلها في ما يحدث في أعالي البحار